ჩინეთში ყოველდღიური შემთხვევების მკვეთრი ზრდა დაფიქსირდა, სამშაბათს 5000-ზე მეტი დაფიქსირდა, რაც ბოლო 2 წლის განმავლობაში ყველაზე მაღალი მაჩვენებელია.

„COVID-19-ის ეპიდემიის მდგომარეობა ჩინეთში მძიმე და კომპლექსურია, რაც მის პრევენციასა და კონტროლს ართულებს“, - განაცხადა ჯანდაცვის ეროვნული კომისიის წარმომადგენელმა.

ჩინეთის 31 პროვინციიდან, ბოლო კვირის განმავლობაში, კორონავირუსის შემთხვევები 28-ში დაფიქსირდა.

თუმცა, ოფიციალურმა პირმა განაცხადა, რომ „დაზარალებული პროვინციები და ქალაქები მას მოწესრიგებულად და ხელსაყრელ რეჟიმში უმკლავდებიან; ამრიგად, ეპიდემია მთლიანობაში კვლავ კონტროლის ქვეშაა“.

ჩინეთის მატერიკულ ნაწილში ამ თვეში კორონავირუსის 15 000 შემთხვევა დაფიქსირდა, განაცხადა ოფიციალურმა პირმა.

„დადებითი შემთხვევების რაოდენობის ზრდასთან ერთად, დაავადების პრევენციისა და კონტროლის სირთულეც იზრდება“, - დასძინა ოფიციალურმა პირმა.

მანამდე, ჯანდაცვის ოფიციალურმა პირებმა განაცხადეს, რომ სამშაბათს ჩინეთში 5,154 შემთხვევა დაფიქსირდა, მათ შორის 1,647 „ჩუმი მატარებელი“.

პანდემიის დაწყებიდან ორი წლის შემდეგ, როდესაც ხელისუფლებამ კორონავირუსის შესაკავებლად 77-დღიანი მკაცრი კარანტინი დააწესა, ინფიცირების შემთხვევები მნიშვნელოვნად გაიზარდა.

ჩინეთის ჩრდილო-აღმოსავლეთით მდებარე ჯილინის პროვინცია, რომლის მოსახლეობაც 21 მილიონზე მეტ ადამიანს შეადგენს, ინფექციების ბოლო ტალღამ ყველაზე მეტად დააზარალა, სადაც მხოლოდ იქ კორონავირუსის 4067 შემთხვევა დაფიქსირდა. რეგიონი იზოლირებულია.

სახელმწიფო გამოცემა „Global Times“-ის ცნობით, რადგან ჯილინი „მძიმე და რთულ სიტუაციაში“ იმყოფება, პროვინციული ჯანდაცვის კომისიის თავმჯდომარის მოადგილემ, ჟანგ ლიმ, განაცხადა, რომ ადმინისტრაცია „საგანგებო, არატრადიციულ ზომებს“ მიიღებს, რათა პროვინციაში ნუკლეინის ტესტირება ჩაატაროს.

ჩანჩუნისა და ჯილინის ქალაქებში ინფექციის სწრაფი გავრცელება მიმდინარეობს.

რამდენიმე ქალაქში, მათ შორის შანხაიში და შენჟენში, მკაცრი კარანტინი დაწესდა, რის გამოც ადგილობრივი და საერთაშორისო საწარმოო კომპანიები აიძულეს, ვირუსის გავრცელების შეკავების ზომების ფარგლებში, ბიზნესი შეეჩერებინათ.
ძილინის პროვინციის ხელისუფლებამ ჩანჩუნსა და ძილინში COVID-19-ით ინფიცირებული პაციენტების სამკურნალოდ ხუთი დროებითი საავადმყოფო ააშენა, რომელთა ტევადობა 22 880 საწოლია.

ანგარიშის თანახმად, COVID-19-თან საბრძოლველად, ანტივირუსული ღონისძიებების დასახმარებლად დაახლოებით 7000 ჯარისკაცია მობილიზებული, ხოლო 1200 პენსიაზე გასული ჯარისკაცი ნებაყოფლობით მუშაობს საკარანტინო და სატესტო ადგილებში.

ტესტირების შესაძლებლობების გასაძლიერებლად, პროვინციულმა ხელისუფლებამ ორშაბათს 12 მილიონი ანტიგენის ტესტირების ნაკრები შეიძინა.

რამდენიმე ჩინოვნიკი გაათავისუფლეს ვირუსის ახალი აფეთქების დროს მათი წარუმატებლობის გამო.